የኢትዮጵያ ኢንዱስትሪ ግብዓቶች ልማት ድርጅት የማዕከላዊና የምዕራብ ዲስትሪክት ጽ/ቤቶች አስር ወራት ዕቅድ አፈጻጸምና 2017 የኮርፖሬት ዕቅድ አንዲሁም የዲስትሪክትና የቅርንጫፎች መወዳደሪያ ረቂቅ ሠነድ ላይ የዲስትሪክቶችና የቅርንጫፍ ጽ/ቤቶች ሀላፊዎች እንዲሁም የድርጅቱ የበላይና መካከለኛ አመራሮችና የቡድን መሪዎች ከግንቦት 10-11/2016 ዓ.ም በአዳማ ከተማ ተካሄደ።

የእንኳን ደህና መጣችሁና የመክፈቻ ንግግር ያደረጉት ወ/ሮ የሺመቤት ነጋሽ የኢትዮጵያ ኢንዱስትሪ ግብዓቶች ልማት ድርጅት ዋና ሥራ አስፈጻሚ እንደገለጹት የሚመለከታቸው አካላትን ባሳተፈ መልኩ እቅድና ዕቅድ አፈጻጸምን በጋራ በመገምገም ቀጣይ ተግባራትን ማከናወን ድርጅቱ ያቀዳቸውንና በመንግሰት የተሰጠውን ተግባርና ሃላፊነት ውጤታማ እንደሚያደርግ አመልክተው የውይይቱም ተሳታፊዎች በዚህ ልክ አቅደው ሊንቀሳቀሱ እንደሚገባ አሳስበዋል፡፡

በሁለቱ ቀናት የውይይት መድረኩ የኮርፖሬት 2016 በጀት ዓመት እቅድ አፈጻጸምና የ2017 ዕቅድ በስትራቴጂክ እቅድ ዝግጅትና ግምገማ ዳይሬክተር አቶ ፈጠነ ወርቁ እንዲሁም የዲስትሪክትና የቅርንጫፎች መወዳደሪያ ስታንዳርድ ረቂቅ ሠነድ በድርጅቱ የግብዓቶች አቅርቦት ባለሙያ በአቶ ደምስ ቀርበዋል፡፡

በቀረቡት ሪፖርቶችና ሠነዶች ላይ በስፋት ውይይት የተካሄደ ሲሆን በድርጅቱ ዋና ስራ አስፈጻሚ ወ/ሮ የሺመቤት ነጋሽ በቀጣይ ትኩረት ሊሰጣቸው የሚገቡ ተግባራት ዙሪያም አቅጣጫ ሰጥተዋል።