የኢትዮጵያ ኢንዱስትሪ ግብዓቶች ልማት ድርጅት ተናንት መጋቢት 6 ቀን 2017 ዓ.ም በአዳማ ከተማ የጀመረውን የ2017 በጀት ዓመት የስምንት ወራት የግምገማና የስልጠና መድረክ በመቀጠል ሽያጭ ቅርንጫፎች፣ የአራት ዲስትሪክቶችና የኮርፖሬት ሪፖርቶች ቀርበው ውይይት ተካሂዶባቸዋል፡፡

በግምገማ መድረኩ በቀረቡት ሪፖርቶች ላይ በኢንዱስትሪ ግብዓቶችና ውጤቶች አቅርቦት፣ክምችት፣ ስርጭትና በአፈጻጸም ወቅት በታዩ ተግዳሮቶች፣ በሰው ሃይል፣ በአሰራር ሥርዓትና በሌሎችም ተጓዳኝ ጉዳዮች ላይ በማተኮር በተሳታፊዎች አስተያየትና ጥያቄዎችን አቅርበው ከመድረክ ምላሽ ተሰጥቶባቸዋል፡፡

በቀጣይም በ2017 በጀት ዓመት ኦዲት ምርመራ ግኝቶች ሪፖርት የሚቀርብ ሲሆን በተጨማም በኢንዱስትሪ ግብዓቶችና ውጤቶች ግዢና ሽያጭ እንዲሁም ደንበኞች አገልግሎት ጋር በተያያዘ ከአራቱም ዲስትሪክቶችና የሽያጭ ቅርንጫፎች ለመጡት ሃላፊዎችና ባለሙያዎች ሥልጠና ተሰጥቷል፡፡