የኢትዮጵያ ኢንዱስትሪ ግብዓቶች ልማትድርጅት ከፍተኛና መካከለኛ አመራሮች እንዲሁም የቡድን መሪዎች ና ሠራተኞች የተሳተፉበት አገራዊ የዘጠኝ ወራት ውይይት ሚያዚያ 9 ቀን 2017 ዓ.ም በቢሾፍቱ ከተማ ተካሄደ፡፡

በውይይት መድረኩ የዋና ሥራ አስፈጻሚ ጽ/ቤት ሃላፊና የዋና ሥራ አስፈጻሚ ተወካይ አቶ ዳዊት አዳነ ባቀረቡት የመክፈቻ ንግግር እንደገለጹት የውይይት መድረኩ ዓላማ በአገራዊና ተቋማዊ የዘጠኝ ወራት ዕቅድ አፈጻጸም ላይ ተወያይቶ የጋራ ግንዛቤ ለመያዝና የጋራ መግባባት ላይ ለመድረስ የበኩሉን አስተዋጽኦ አለው፡፡

በውይይት መድረኩ በ2017 በጀት ዓመት ዘጠኝ በአገር አቀፍ ደረጃ በመሠረተ ልማት፣ በትምህርት፣ በጤና፣በግብርና፣ በውጭ ንግድ፣ በአገራዊ ኢኮኖሚያዊ አፈጻጸሞች በአምራች ኢንዱስትሪ ዘርፍና በሌሎችም ሲክተሮች የተገኙት የዘጠኝ ወራት አፈጻጸሞች ቀርበው ውይይት ተካሂዷል፡፡

በተጨማሪም የድርጅቱ የ2017 በጀት ዓመት የዘጠኝ ወራት ዕቅድ አፈጻጸም ቀርቦ ውይይት የተካሄደ ሲሆን በአጠቃላይ በተነሱት ርዕሰ ጉዳዮች ላይ በስፋት ውይይት ከተከናወነ በኋላ ተሳታፊዎችን የጋራ ግንዛቤ የማስጨበጥ ሥራ ተሰርቷል፡: