የኢትዮጵያ ኢንዱስትሪ ግብዓቶች ልማት ድርጅት በ2016 በጀት ዓመት ላስመዘገበው ስኬታማ ዕቅድ አፈጻጸም ለአመራሮቹና ሠራተኞቹ ነሐሴ 19 ቀን 2016 ዓ.ም በኢሊሌ ኢንተርናሽናል ሆቴል ባዘጋጀው መርሐ ግብር እውቅና ሰጠ።

ድርጅቱ በ2016 በጀት ዓመቱ ከሽያጭና ከሌሎች ገቢዎች ብር 5.8 ለመሰብሰብ አቅዶ ብር 5.5 ቢሊዬን የፈጸመ ሲሆን ይህም የዕቅዱን 95 በመቶ መፈጸም መቻሉን የሚያመላክት እንደሆነ የድርጅቱ ዋና ሥራ አስፈጻሚ ክብርት ወ/ሮ የሺመቤት ነጋሽ ገልፀዋል።

አያይዘውም ከታክስ በፊት ብር 585 ሚሊዮን ትርፍ የተገኘ መሆኑን አመልክተው ይህ ውጤት እንዲገኝ የአመራሮችና የሠራተኞች አስተዋፅኦ ከፍተኛ እንደነበር ጠቁመዋል።

በዝግጅቱ ክቡር አቶ ሀብታሙ ኃይለሚካኤል የመንግሰት የልማት ድርጅቶች ይዞታ አስተዳደር ዋና ዳይሬክተር በክብር እንግድነት በመገኘት የመክፈቻ ንግግር አድርገዋል። ለተገኘው ውጤትም የላቀ አስተዋፅኦ ላበረከቱት የማበረታቻ ሽልማት ሠጥተዋል::