የኢኢግልድ የውጭ ኦዲተሮች ምርመራ ሪፖርት በተሳካ ሁኔታ በመጠናቀቁ የደስታ መግለጫ!

የኢትዮጵያ ኢንዱስትሪ ግብዓቶች ልማት ድርጅት ይታዩ የነበሩ ኦዲት አለመደረግ እና የድርጅቱን ሂሳብ ለመዝጋት እንቅፋት የነበሩ ችግሮች ለአንዴና ለመጨረሻ ጊዜ እንደተፈቱና የድርጅቱ የፋይናንስ ቁመና በውጭ ኦዲተር ተረጋግጦ መጠናቀቁ እየገለፅን የነበሩ ችግሮችን ለመፍታት በERP በመታገዝ የሂሳብ መዝጋት ፕሮጀክት በሟቋቋም መረጃን እንደ አዲስ በመዝገብ ከ2008 ዓ.ም ጀምሮ እስከ 2012 ዓ.ም ድረስ ኦዲት ተደርጎ Disclaimer Audit Opinion የተሰጠው መሆኑን እንዲሁም ከ2013 ዓ.ም ጀምሮ IFRS በመተግበር ከ2013 – 2015 ዓ.ም ድረስ የነበረው ተመርምሮ Qualified Audit Opinion መገኘቱን እና 2016 በጀት ዓመት ከዚህ በፊት clean (Unqualified) ሆኖ መውጣቱን እንዲሁም የ2017 በጀት ዓመት ሪፖርት በውጭ ኦዲተሮች በአግባቡ ተመርምሮ የተጠናቀቀ እና ውጤቱም Unqualified Audit Opinion (clean) ሆኖ መውጣቱን እያበሰርን የድርጅቱ የኦዲት ሪፖርት clean (Unqualified) ሆኖ መውጣቱ ድርጅቱ የሚገኝበትን አስተማማኝ ቁመና የሚያሳይ እንደሆነና ለተገኘውም ውጤት የኢትዮጵያ ኢንቨስትመንት ሆልዲንግ፣ የሥራ አመራር ቦርድ አባላት፣ የቀድሞና የአሁኑ ማኔጅመንት እንዲሁም የኢኢግልድ አማካሪ፣ የኢኢግልድ የግዥና ፋይናንስ እና የኢንፎርሜሽን ዳይሬክቶሬት ባለሙያዎች እንዲሁም መላው ሠራተኛው ባደረጉት ከፍተኛ አስተዋጽኦ የመጣ ውጤት በመሆኑ በተቋሙ ስም ምስጋና እናቀርባለን፡፡

በቀጣይም የድርጅቱን የፋይናንስ አያያዝ ለማዘመንና ሒሳቡንም ወቅታዊ ለማድረግ እየተካሄደ ያለው የማኔጅመንቱና በአጠቃላይ የሠራተኞች ጥረት ተጠናክሮ ሊቀጥል እንደሚገባ እያሳሰብን ለተገኘው አመርቂ ውጤት ለመላው የድርጅታችን ሠራተኞች እንኳን ደስ አላችሁ ለማለት እንወዳለን፡፡

የኢኢግልድ ማኔጅመንት!