የኢትዮጵያ ኢንዱስትሪ ግብዓቶች ልማት ድርጅት የስራ አመራር ቦርድ አባላትና የድርጅቱ የበላይ አመራሮች ድርጅቱ እያስገነባ የሚገኘውን ከ2 ቢሊዮን ብር በላይ የሚያወጣውን የዋና መ/ቤት ህንጻ፣ ግንባታቸው የተጠናቀቁትን 48 ለንግድ ስራ የሚያገለግሉ ሼዶች እና በዋና መ/ቤት በአዲስ መልክ ለስራ ዝግጁ የሆነውን የተሸከርካሪዎች የቴክኒክ ብቃት ማረጋገጫ አገልግሎት ማዕከል ጉብኝት ሐምሌ 22 ቀን 2015 ዓ.ም አካሄዱ፡፡ 

ድርጅቱ እያስገነባ የሚገኘው ባለ18 ወለል የዋና መ/ቤት ህንጻ የጥራት ደረጃውን በጠበቀ መልኩ የ15 ወለሎች ግንባታ የተከናወነ ሲሆን ቀሪ የግንባታ ስራዎችም በመካሄድ ላይ እንደሚገኙ ግንባታውን የሚከታተለው አማካሪና የግንባታው ተቋራጭ ድርጅቶች ሃላፊዎች በጉብኝቱ ወቅት ገልጸዋል፡፡

በጉብኝቱ ማጠናቀቂያ በግንባታ ላይ የሚገኘው የዋና መ/ቤት ሕንጻ የጥራት ደረጃውን በጠበቀ መልኩ በአጭር ቀን እንዲጠናቀቅ ልዩ ትኩረት እንዲሰጥ እንዲሁም ግንባታቸው ከተጠናቀቁ ሸዶች ውስጥ ያልተከራዩትን የማከራየት ስራ እንዲሰራ እና የተሸከርካሪዎች የቴክኒክ ብቃት ማረጋገጫ አገልግሎት ማዕከል ለድርጅቱ ገቢ የሚያስገኙበት ሥራዎች ለማስጀመር የተጀመሩ ስራዎች ተጠናክረው እንዲቀጥሉ የሥራ አመራር ቦርዱ አባላቱ መመሪያ ሰጥተዋል፡፡