የኢትዮጵያ ኢንዱሰትሪ ግብዓቶች ልማት ድርጅትን ጨምሮ ዘጠኝ የመንግሥት የልማት ድርጅቶች ይዞትና አስተዳደር ተጠሪ የሆኑ የመንግስት የልማት ድርጅቶች የበላይና መካከለኛ አመራሮች እንዲሁም ሠራተኞች “ነገን ዛሬ እንትከል” በሚል መሪ ቃል ከሞጆ ሐዋሣ በሚወስደው ፈጣን መንገድ ዳርቻዎች ላይ ሐምሌ 20 ቀን 2015 ዓ.ም የችግኝ ተከላ አካሔዱ።

በዚሁ የችግኝ ተከላ መርሐ ግብር የኢኢግልድ አመራሮችና ሠራተኞች 500 ችግኞችን ተክለዋል።

የኢኢግልድ ሠራተኞች በያዝነው 2015 በጀት ዓመት የችግኝ ተከላ ሲያካሂዱ ይህ ለሁለተኛ ጊዜ ሲሆን የመጀመሪያውን የችግኝ ተከላ መርሐግብር ቃሊቲ በሚገኘው የድርጅቱ ማዕከላዊ ዲስትሪክት ጽ/ቤት ቅጥር ጊቢ ሐምሌ 8 ቀን 2015 ዓ.ም የድርጅቱ ዋና ሥራ አስፈጻሚ በተሳተፉበት መካሄዱ ይታወሳል፡፡