የኢትዮጵያ ኢንዱስትሪ ግብዓቶች ልማት ድርጅት በ2019 የመጀመሪያ ሩብ ዓመት የገጠሙትን ተግዳሮቶች ተቋቁሞ በሩብ ዓመቱ ያስመዘገበው ውጤት አበረታች እንደሆነና ተጠናክሮ ሊቀጥል እንደሚገባ በሁለተኛው ቀን የኢኢግልድ የ2019 በጀት ዓመት አፈጻጸም ግምገማ መድረክ ላይ ተገለጸ፡፡

የውይይት መድረኩ ተሳታፊ አመራሮችና ባለሙያዎች እንዲሁም የዲስትሪክትና የሽያጭ ቅርንጫፍ ጽ/ቤት ሃላፊዎች በውይይትና በግምገማ መድረኩ ላይ እንደገለጹት በበጀት ዓመቱ የገጠሟቸውን ተግዳሮቶች በመቋቋም የተገኘውን ውጤት አጠናክረው ለማስቀጠል ከፍተኛ ጥረት ማድረጋቸውን ገልጸዋል፡፡

አያይዘውም በተለይ ማኔጅመንቱ ድርጅቱ የገጠሙት ተግዳቶች መፍትሔ እንዲያገኙ የሄደበት ርቅትና የሰጠው ትኩረት ተጠናክሮ እንዲቀጥል ስምምነት ላይ ተደርሷል፡፡

በግምገማ መድረኩ ማጠቃለያ ላይ የድርጅቱ ዋና ሥራ አስፈጻሚ አቶ ዳዊት አዳነ እንደገለጹት ይህንን ጥረትና እንቅስቃሴ አጠናክሮ በማስቀጠል ድርጅቱን ውጤታማ ለማድረግና የገጠሙትን ተግዳሮቶች ለመሻገር የታየው ቅንጅት በቀጣይ ሩብ ዓመታት ተጠናክሮ ሊቀጥል እንደሚገባና ለተግባራዊነቱም የድርጅቱን መላ ሠራተኞች፣ የባለሙያዎች፣ የመካከለኛና ከፍተኛ አመራሮች የተቀናጀ ጥረት ወሳኝ እንደሆነና ለዚህም ውጤታማነት የሁሉም ተሳትፎ ተጠናክሮ እንዲቀጥል የጋራ መግባባት ላይ ተደርሷል፡፡